Ciidamada Xoogga Dalka Soomaaliyeed ayaa maanta howlgallo ka sameeyay inta u dhaxeysa Degmooyinka Guriceel iyo Ceelbuur ee gobolka Galguduud.
Saraakiisha Ciidamada ayaa sheegay in howlgallada ay ku burburiyeen Miinooyin ay Al shabaab ku aaseen wadada u dhaxeysa Guriceel iyo Ceelbuur.
Sidoo kale, Ciidanka ayaa sheegay in ay xoojin doonaan howlgalada dhanka ah Al-shabaab ee ka socda deegaannada Gobolka Galgaduud.
Dowladda Soomaaliya ayaa shalay magaalada Dhuusamareeb ka dajisay Ciidan badan oo loo diyaariyay in ay Al-shabaab ka saaraan deegaannada iyo degmooyinka Gobolka Galgaduud sida Ceelbuur.
About Author
