× HomePrivacyAbout UsContact Us
ad
ad
Amniga Kenya oo si weyn loo adkeeyay xilli la sugayo go’aanka maxkamadda.
WARKA

Amniga Kenya oo si weyn loo adkeeyay xilli la sugayo go’aanka maxkamadda.

Maxkamadda ugu sarreysa dalka Kenya ayaa maanta lagu wadaa inay soo saarto go’aan ku saabsan dacwaddii ka dhanka aheyd natiijada doorashada madaxtinimada.

Guddiga doorashada ee Kenya ayaa ku dhawaaqay in William Ruto uu ku guuleystay doorashadii bishii hore ka dhacday dalkaas wuxuu helay 7.1 malyan cod halka siyaasiga caanka ah Raila Odinga uu helay 6.9 malyan oo cod natiijadaas oo muran badan uu ka dhashay.

Waxaa si weyn loo adkeeyay amniga Kenya xilli laga war sugayo go’aanka maxkamadda.

Waxaa la xiray waddooyinka gala maxkamadda halka albabada la isugu dhuftay iskuullo badan.

Waxaa sidoo kale ciidamo badan la geeyay deegaannada la isdhihi karo inay rabshado ka dhacaan.

Afar ka tirsan toddobada xubnood ee guddiga doorashada ayaa qaadacay natiijada uu ku dhawaaqay guddoomiyaha guddiga Wafula Chebukati, iyagoo sheegay in tirinta codadku ay ahayd mid mad madow uu ku jiray.

Maxkamadda ugu sarreysan Kenya ayaa taariikh sameysay doorashadii sanadkii 2017 iyadoo laashay guushii madaxweyne Uhuru Kenyatta uu ka guuleystay Odinga iyadoo sababta ku sheegtay in kahladaad ay ka jireen hannaanka doorashada.

Maxkamadda ayaa xilligaas amartay in doorasho ku celis ah la qabto, balse waxaa diiday in doorashadaasi ku celiska aheyd in uu ka qeyb galo Raila Odinga.

About Author

1

Kamal