Waxaa caawa magaalada Muqdisho soo cagadhigatay dayuurad ay leedahay Ethiopian Airlines oo siday shixnad gargaar ah oo ka kooban qalab loogu talo galay cudurka Coronavirus.
Qalabkan waxaa ku deeqay ganacsadaha caanka ah ee dalka shiinaha u dhashay Jack Ma oo ah Milkiilaha shirkadda Alibaba, Waxaana inuu dalka soo gaaro fududeysay Dawlada Shiinaha.
Waxaa ka mid ah qalabkan sheybaar casri ah oo loogu talo galay in lagu baaro cudurka Coronavirus, lebiska looga gaashaanto cudurka oo dhaqaatiirtu qaataan, maasgaraha wejiga lagu xirto iyo agab kale oo ay aad ugu baahneyd dowlada Somalia.
Agabkan ayaa waxaa danjiraha Shiinaha ka gudoomey Wasiirka Wasaaradda Gaadiidka iyo Duulista Hawadda Soomaaliya Maxamed Cabdullahi Oomaar, waxaana goob joog ka ahaa Danjiraha Somalia u fadhiya dalka Itoobiya, Cabdixakiim Cabdullaahi Xaaji (Cameey) iyo xubno kale.
Qalabkan oo aad u fara badnaa ayaa waxaa shalay laga dejiyey magaalada Addis ababa, iyadoo dowlada Itoobiya loo wakiishay iney u qeybiso dalalka Afrika, Waxaana maanta la gaarsiiyey illaa lix dal oo ay ku jirto Soomaaliya.
HOOS KA DAAWO SAWIRADA IYO VIDEO-GA
https://connect.facebook.net/en_US/sdk.js#xfbml=1&version=v6.0
Dowladda Soomaaliya ayaa la wareegtay qalab caafimaad oo qayb ka qaadanaya qorshaha looga hor tegayo in dalka uu ku faafo Caabuqa corona (COVID-19) ee dhibaatada badan caalamka ku haya.Maxamed Siciid Cabdullaahi, Wasiir ku-xigeenka wasaaradda Caafimaadka iyo daryeelka Bulshada, Maxamed Saciid Cabdullaahi, ayaa safiirka Shiinaha ee Soomaaliya, Qin Jian, kala wareegay deeqda oo qayb ka ah gargaar caafimaad oo aasaasaha shirkadda Alibaba, Jack Ma uu ugu deeqay Afrika, si ay awood ugu yeeshaan xakameynta Cudurka.
Posted by Kasmaal Media on Tuesday, March 24, 2020